Nakon tri runde kvalifikacija najbrži krug vozio je Lando Noris, koji će u bolidu MekLarena početi trku za Veliku nagradu Monaka sa pol pozicije.

Britanac je obišao cio krug oko staze u Monte Karlu za 1:09.954. 

Ferari je napravio kvalitetne promjene na svom bolidu, te je Šarl Lekler bio drugi najbrži u Monaku (+0.109) dok Luis Hamilton kreće sa četvrte pozicije (+0.428).

Sa treće pozicije kreće Oskar Pjastri, koji samo potvrđuje dominaciju MekLarena u “kneževini”.

Prva runda nije bila previše iznenađujuća, pošto su tada svoje učešće u kvalifikacijama završili Franko Kolapinto, Lens Strol, Pjer Gasli, Oliver Bermen i Gabrijel Bortoleto.

U drugom krugu je najgore prošao Mercedes, koji je ostao bez oba vozača. 

Juki Cunoda je ostavio Maksa Ferstapena na cjedilu, a aktuelni šampion Formule 1 kreće u trku sa petog mjesta.

Od šestog do desetog mjesta našli su se Isak Hađar, Fernando Alonso, Esteban Okon, Lajam Loson i Aleksander Albon.

Velika nagrada Monaka vozi se u nedjelju od 15 sati.